داملالار

X

داملالار

داملالار

شعر و ادب

	اللی یاشیمدا
سالام دوستلار: بیر نئچه واخت اولمادیغیمدان عوذور دیله یه رکن دئمه لییه م کی آبان آیی نین اونوندا منیم اللی نجی ایل ودوغوم گونوم ایدی . شاعیر دوستوم کامیل قهرمان اوغلو بو موناسیبتله بیر شئعیر یازیب گوءنده ر میشدی . بئله دئییر. اللی پاییز آخدی بو گوءز یاشیما بو داش دوگونلویو هارا آپاریم ؟ اللی یای آغلادی اللی قیشیما آه بو سورگونلویو هارا آپاریم ؟ - - - - - - - منده بیر اللی یاش گئدیب یوخویا اللی یای اللی قیش گئدیب یوخویا گوءزومده بیر قارقیش گئدیب یوخویا بو قریب گونلویو هارا آپاریم ؟ - - - - - - - منی اوءزگه بیر من باشیما قاخدی بیر ستلجم پاییز گوءزومدن آخدی اوءزونو بیر اللی عوءمرومه یاخدی بو آجی شن لییی هارا آپاریم ؟ - - - - - - - نه دئییم عوءمرومه آجی گونلویه گوءزومون یاشیندا کور دویونلویه بو منده منله شن بو سورگونلویه آه بو ایتگین لییی هارا آپاریم ؟ latınca
+ یازیلما تاریخی سه شنبه هفدهم آذر 1388ساعات 16:4 یازاری بهمن خادم \|

	بری باخ سئودالیم
هی سئودالیم! بری باخما ....... آخی بیزیم پئنجره دن چوخداندیر داها هئچ بیر داش گلمیر و خومار گؤزده ن یاش! بری باخما داها اودلو باخیشینلا. اوره ییمی آتشه توتما. نه آختاریرسان؟ سئودا قوخولو غزل لری " کؤهنه لیب " دئییرلر. اولورمو سئودا کؤهنه له؟ یوخ ... یوخ ... سئودالیم! او خومار گؤزونله بری باخ " آی بری باخ " ماهنی سی دیلیمده ، پئنجره مدن اتک اتک داش گلسه ده من بیر داها غزل یازمالییام ...... latınca
+ یازیلما تاریخی دوشنبه بیست و هشتم اردیبهشت 1388ساعات 3:7 یازاری بهمن خادم \|


کامیل قهرمان اوغلودان بیرغزل قارالدی قالدی گؤزومده چیراخلیغیم قارداش قاریشدی اولدوز آلوونا داراخلیغیم قارداش یاشیل سطیرلری قوسدوردو منده کی خیالین یاخینلیغیندا گؤوه ردی اوزاخلیغیم قارداش "گونش" کوچنده قیریلدی گؤزون ده گوزگوسو آه الیمده قالدی ساچاخلی دوواخلیغیم قارداش یئتیم چیناردا منه بیر اوراغ سالام وئردی کی قانلی گونلره قالدی اویاخلیغیم قارداش و آند اولا بو سویوق کور اوجاخلارین داشینا قوجالدی منده کی کؤرپه اوشاخلیغیم قارداش = = = = = = = = = = = latınca qaraldı qaldı gözümdə çıraxlığım qardaş qarışdı ulduz alovna daraxlığım qardaş yaşıl sətirləri qusdurdu məndəki xəyalın yaxınlığında gövərdi uzaxlığım qardaş günəş köçəndə qırıldı gözündə güzgüsü ah əlimdə qaldı saçaxlı duvaxlığım qardaş yetim çinarda mənə bir orax salam verdi ki qanlı günlərə qaldı oyaxlığım qardaş və and ola bu soyuq kor ocaxların daşına qocaldı məndəki körpə uşaxlığım qardaş
+ یازیلما تاریخی دوشنبه هفدهم فروردین 1388ساعات 0:50 یازاری بهمن خادم \|

	آی اوغورلانیب
آی اوغورلانیبدیر، قانداللانیبدیر. قیسیر بولودلارین دوستاقلاریندا. ظولمتده ن بو یلودور گئجه لریمیز، بیرتیکه ایشیقا یامان یئریکلیر. بویلودور: کدره، حیرمانا، درده. آی اوغورلانیبدیر، قانداللانیبدیر. قارانلیق هله ده حؤکمونو سورور. بیزیم پئنجره نین عطش آغیزی، بیر ایچیم ایشیغا آچیق قالیبدیر. الیمده گوزگونو شفیع آپاریب. بیر قوتسال ساندیغیم ساققا خانادا ، بیر اوووج اولدوزو قوربان دئمیشه م. اونون گلیشینه، قورتاریشینا.
+ یازیلما تاریخی پنجشنبه هفدهم بهمن 1387ساعات 4:14 یازاری بهمن خادم \|

	به عشق ایمان دارم
تقدیم به شاعرترین دوستم آقای بابک نجفی مانند گلی که دلربا می رویی زیبا و عفیف وبا حیا می رویی گاهی که هوای دل من بارانی است درباغ دلم چه با صفا می رویی همخوی شقایقی و آویشن ها با عشوهء سرو نازها می رویی من عاشقم وبه عشق ایمان دارم در سجده گهم مثل خدا می رویی در شهر غریب عشق،تو، تنها تو در خانهء چشمم آشنا می رویی در ذهن مشوش و پراز آشوبم آرام و صبور و بی صدا می رویی در قحطی کالای نشاط و مستی چون تار و ترانه و نوا می رویی در هر غزل و ترانه ام خواهم گفت: مانند گلی که دلربا می رویی
+ یازیلما تاریخی پنجشنبه سوم بهمن 1387ساعات 1:12 یازاری بهمن خادم \|

	گئتدین
کؤکسومه کیپریینی اوخ کیمی تاخدین گئتدین حسرتین قیزغین اودیلا منی یاخدین گئتدین سارالیب سولموش اوره ک باغی سنه مؤحتاج کن بیر سو تک اؤزگه باغین باغرینا آخدین گئتدین طوفانا دوشموشه یاردیم گرگ اولسون - سنده منی طوفانلار آراسیندا بوراخدین گئتدین سن کی بیر عؤمر منیم بخت قوشوم اولموشدون یادلارین بیرکسیگ*آتماغینا قاخدین گئتدین؟ وحشی دویغوملا ده لی کؤنلومو گؤردون آمما منه عاقیل لیگین آدین قارا یاخدین گئتدین latınca
+ یازیلما تاریخی سه شنبه یکم بهمن 1387ساعات 1:32 یازاری بهمن خادم \|


سنی دام دوواردان سوراجیام من آجیلی هیجرانی یوراجیام من قاراگونلریمین چینینده بوینون سنین گلیشینله بوراجیام من قیروولو دؤرانین دامی نین اوسته گونشین بایراغین ووراجیام من آچاجاق بیلیره م بیرده بوباغچا یازین ایاغینا دوراجیام من خیالین خاطیره ن بیرده اوره کله هرگون مین یغینجاق قوراجیام من گئجه لریوخوما اولدوز اله نسه سنین گؤزلرینه یوراجیام من بوشهره هرگلیب گئدندن کی هئچ سنی دام دوواردان سوراجیام من
+ یازیلما تاریخی چهارشنبه بیست و پنجم دی 1387ساعات 23:27 یازاری بهمن خادم \|

	گولدوروجو بیر اویون
قارقالار گئجه نین قارانلیقیندا گونشین دوغوم ایل دؤنومون توی دوتدولار. تیرینگه لر ویردیلار. صوبحو ن ایشیغی چاغریلمادی. نه گولدوروجو بیر اویون اولدو بو.
+ یازیلما تاریخی سه شنبه بیست و چهارم دی 1387ساعات 22:47 یازاری بهمن خادم \|

	دئدیلر - دئدیک
زنده یاد حسین منزوی "ما خویش ندانستیم بیداریمان از خواب گفتند که بیدارید. گفتیم که بیداریم" دئدیلر آییق سیز آییغیق دئدیک دئدیلر یوخلوسوز یوخلویوق دئدیک اؤزوموز بیلمه دیک آییغیق یوخسا اویخولو
+ یازیلما تاریخی دوشنبه بیست و سوم دی 1387ساعات 1:40 یازاری بهمن خادم \|

	سئودا
سئودا گؤزه ل دئییل گؤزه ل لیک دیر وهر نه یی گؤزه ل گؤرسن اینان کی اونا سئودالی باخیبسان.
+ یازیلما تاریخی دوشنبه بیست و سوم دی 1387ساعات 1:23 یازاری بهمن خادم \|